ನಮ್ಮ ಪೋಷಕರು - ಕುಂದಾಪುರ ತಾಲೂಕು ಯುವ ಬಂಟರ ಸಂಘ

ಸಮುದಾಯದೊಳಗಿನ ಆರ್ಥಿಕವಾಗಿ ಮತ್ತು ಸಾಮಾಜಿಕವಾಗಿ ಹಿಂದುಳಿದ ವ್ಯಕ್ತಿ ಯಾ ಕುಟುಂಬಗಳಿಗೆ, ಅವರ ಸಮಸ್ಯೆಯ ಸ್ವರೂಪ ಮತ್ತು ವಾಸ್ತವಾಂಶವನ್ನು ಅರ್ಥೈಸಿಕೊಂಡು ಸಹಾಯಹಸ್ತ ಚಾಚುವ ಉದ್ದೇಶದ ಹಿನ್ನೆಲೆಯಲ್ಲಿ ಸಂಘವು ತನ್ನ ಸ್ಥಾಪನೆಯ ದಿನಗಳಿಂದಲೇ ವಿಭಿನ್ನ ಮಾದರಿಯ ದತ್ತಿನಿಧಿ ಯೋಜನೆಗಳನ್ನು ಆರಂಭಿಸಿ, ದೊಡ್ಡ ಮೊತ್ತದ ನಿಧಿಯನ್ನು ಸಂಗ್ರಹಿಸುವ ಗುರಿಯನ್ನು ಹೊಂದಿದೆ.

ವಿದ್ಯಾರ್ಥಿವೇತನ, ಆರೋಗ್ಯ ಭಾಗ್ಯ ಮತ್ತು ಮಾಂಗಲ್ಯ ಸೂತ್ರ ದತ್ತಿನಿಧಿಗಳನ್ನು ಸಂಘವು ಹೊಂದಿದ್ದು ಈಗಾಗಲೇ ಅನೇಕ ಮಂದಿ ದಾನಿಗಳು ತಮ್ಮ ಸಾಮಾಜಿಕ ಕಳಕಳಿಯ ಭಾಗವಾಗಿ ಉದಾರ ಆರ್ಥಿಕ ನೆರವು ನೀಡಿದ್ದಾರೆ. ಸಂಘದ ವತಿಯಿಂದ ಸಂಗ್ರಹಿಸಲಾದ ದತ್ತಿನಿಧಿಯ ಒಟ್ಟು ಮೊತ್ತ ರೂ. 11 ಲಕ್ಷವನ್ನು ದಾಟಿದೆ. ಸಮುದಾಯದ ಹಿರಿಯರ ಮಾರ್ಗದರ್ಶನ ಪಡೆದು ಈ ದತ್ತಿನಿಧಿ ಮೊತ್ತವನ್ನು ಇನ್ನಷ್ಟು ಹೆಚ್ಚಿಸಲು ಮತ್ತು ದಾನಿಗಳ ಅನ್ವೇಷಣೆ ನಡೆಸಲು ಕ್ರಿಯಾಯೋಜನೆ ರೂಪಿಸಲಾಗಿದೆ.